ВЕНОЛЕКС (450мг) (Diosmin)

Венолекс

Диосмин

Таблеткалар

Бір таблетканың құрамында:

белсенді зат: диосмин 450 мг;

қосымша заттар: макрогол 4000, магний стеараты.

Цилиндр тәрізді, екі беті дөңес, ақшыл-қоңыр түсті, ақшыл-қоңырдан күңгірт-қоңыр түске дейінгі теңбілдері бар таблеткалар.

Ангиопротекторлар. Капиллярлар өткізгіштігін төмендететін препараттар. Биофлавоноидтар. Басқа препараттармен біріктілгін диосмин.

АТХ коды C05СА53

Фармакокинетикасы

Организмде препарат фенол қышқылдарына дейін биотрансформацияланады.

Венолекс организмнен негізінен ішек арқылы шығарылады. Қабылдаған дозаның 14 %-ы бүйрекпен шығарылады. Жартылай шығарылу кезеңі (T1/2) 11 сағағтты құрайды.

Фармакодинамикасы

Венолекс венотонустық және ангиопротекторлық әсер етеді. Веналардың созылуын азайтады, олардың тонусын жоғарылатады және веналық іркілуді азайтады; капиллярлар өткізгіштігін төмендетеді және олардың төзімділігін арттырады, микроайналымды жақсартады; лимфалық дренажды жақсартады.

Венолексті жүйелі қолданғанда аяқтағы созылмалы веналық жеткіліксіздіктің органикалық және функционалдық сипаттағы клиникалық симптомдары айқындылығының, сондай-ақ геморроидальді ауырудың азаюы байқалады.

• вена-лимфалық жеткіліксіздікті симптоматикалық емдеуде (аяқтың ауырлауы, ауыруы, ісінуі және құрысуы);

• геморройдың жедел ұстамаларымен байланысты функционалдық симптомдарда.

Ұсынылатын доза күніне 2 таблетканы құрайды, күннің ортасында 1 таблетка және 1 таблетка кешке тамақтану кезінде.

Геморройдың жедел ұстамасы кезінде: алғашқы 4 күнде күніне 6 таблетка (2 таблеткадан күніне 3 рет), содан соң – кейінгі 3 күнде 4 таблеткадан (2 таблеткадан күніне 2 рет).

Емдеу курсының ұзақтығын емдеуші дәрігер анықтайды.

Емдеудің орташа ұзақтығы 2–3 айды құрайды.

Жағымсыз құбылыстардың жиілігін анықтау мынадай өлшемдерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000).

Жиі

– диарея, диспепсия, жүрек айну, құсу

Жиі емес

– колит

Сирек

– бас айналу, бас ауыруы, жалпы дімкәстік

– тері бөртпесі, қышыну, есекжем

Жиілігі анықталмаған

– іштің ауыруы

– беттің, еріннің, қабақтың ісінуі және Квинке ісінуі

- препарат компоненттеріне жоғары сезімталдық

- лактация кезеңі

- 18 жасқа дейінгі балалар

Дәрілік заттармен өзара әрекеттесуі

Басқа дәрілік заттармен өзара әрекеттесуіне зерттеулер жүргізілмеген.

Геморройдың жедел ұстамаларында Венолекс қолдану аноректальді аймақтың басқа ауруларының спецификалық емін алмастырмайды. Препарат қысқа курспен тағайындалады. Жүргізілген ем тиімсіз болғанда, қосымша тексеру жасап, емге түзету енгізген жөн. Препаратты веналық қан айналу бұзылулары бар пациенттерге тағайындаған кезде оларға күн астында ұзақ болудан, аяқпен ұзақ тұрудан сақтану, дене салмағын төмендету және қан айналымын жақсартатын арнайы шұлық кию қажеттігін ескерту керек.

Жүктілік

Тәжірибелік зерттеулерде тератогендік әсері айқындалған жоқ.

Қазіргі кезге дейін препаратты жүкті әйелдерге қолданған кездегі қандай да бір жағымсыз әсерлері хабарланбаған.

Бала емізу

Препараттың емшек сүтіне өтуі туралы деректердің жоқтығын ескеріп, емдеу кезінде емшекпен қоректендіруден аулақ болған жөн.

Балаларға қолдану

Балаларға қолдану тәжірибесі жоқ. Балаларға қолдану ұсынылмайды.

Автокөлік құралын немесе қауіптілігі зор механизмдерді басқару қабілетіне әсер ету ерекшеліктері

Венолекс автокөлік құралын немесе қауіптілігі зор механизмдерді басқару қабілетіне әсер етпейді.

Артық дозалану жағдайлары туралы хабарламалар жоқ.

Симптомдары: жағымсыз әсерлерінің күшеюі.

Емі: симптоматикалық.

Шығарылу түрі және қаптамасы

10 таблеткадан (ПВХ) үлбірден және алюминий фольгадан жасалған пішінді ұяшықты қаптамада. 3 немесе 6 пішінді ұяшықты қаптамадан қолдану жөніндегі нұсқаулықпен картон қорапшада.

250С-ден аспайтын температурада

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Дәрігердің рецептісінсіз босатылады.

Өндіруші

«Рубикон» ЖШҚ, Беларусь Республикасы

«Рубикон» ЖШҚ, Беларусь Республикасы, 210002, Витебск қ.,

М. Горький к-сі 62 Б,

тел/факс +375 (212) 34-06-29,

e-mail: secretar@rubikon.by,

www.rubikon.by

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Pharmaline» ЖШС 0050016, Қазақстан Республикасы,

Алматы қ., Шамиева к-сі, 11, тел: +7(727) 33848-15 pvppharmaline@pharmaline.kz